كلمات اغنية ملفت سلطان العذبه

ملفت سلطان العذبه كلمات

بالله يا اهل السبق منعا للإحراج

ما كل من يسبق عطيته قصيده

ولا امدح الا مطلق يمين وحجاج

الراس طيب والمواقف حميده

شروا من يوصف على عد هداج

سلطان ابن ميرين نعم الوليده

ابو محمد له وقاره ما يحتاج

ومن بيننا دم وعلاقه وطيده

غير انشغل فكري بأمور عديده

واليوم دامه صار للشعر منهاج

مالي عذر عن تهنئته بنشيده

ملفت لفت الأنظار في رمز الانتاج

واقفى برمزا كل من جا يريده

خطف عليهم من يمينا ولاعاج

يبرا له اللي شال خنجره بيده

تيمه موثق في السجلات ماماج

فوق اربعين بخمس والخمس اكيده

ابوه لا طري سكت كل هراج

من يجهل الفارس ويجهل رصيده

ابعد عن الثاني مسافه بعيده

فارض التحدي قبل ملفت خذ التاج

رمز وكسر تيم وفخر نستعيده

وسلطان موسس للركض وانتج افواج

ونتايجه ماهي عليه بجديده

قدام يدخل فالركض فحص واعلاج

يسبق ويلقى في الامور الشديده

فرحته تفرحني وتبني لي ابراج

وناموسه ينومسني الله يعيده

انا عجب عينه وهو درع وسياج

يزيدني زوده وزودي يزيده