كلمات اغنية منزحة الخصيم حمد الطويل

منزحة الخصيم حمد الطويل كلمات

الموال

في مدايح هيلعن بارع قرم حشيم

راس شيخ في كبار الإمور يعدبه

لاحتما الميقاف ينشاف والمنطق حكيم

ينطح كبار المواقف ويدحم منكبه

ياوريث الجود يامعيض ي الحر العديم

الفعول تقدمك والجدود معربه

سيرتك عطره ومجدك يبو فالح مقيم

القصيده

يامليك الملك ي الواحد الفرد العظيم

عالم بالكون من مشرقه ل مغربه

اسئلك ممشى على العز والنهج القويم

والتمييز ف المواقف وصون الموهبه

والمعاني سامرتني وانا صرت النديم

وقمت اصافح لامع النجم ب أعلى كوكبه

الشعر عين الإدب والفكر دايم يهيم

وكسب تقدير المطاليق غاية مكسبه

مثل مايذعن لشد العنان مدربه

في مدايح هيلعن بارع قرم حشيم

راس شيخ في كبار الإمور يعدبه

لاحتما الميقاف ينشاف والمنطق حكيم

ينطح كبار المواقف ويدحم منكبه

ترديد

لاد بن عارج هل المجد منزحة الخصيم

قوم عز كل جمع عنيد تغلبه

ياوريث الجود يامعيض ي الحر العديم

الفعول تقدمك والجدود معربه

سيرتك عطره ومجدك يبو فالح مقيم

كل علم يرفع الراس دايم تكسبه

من شبابك ماشي في طريق مستقيم

طلع حر لاتعلى ب عالي مرقبه

لاغرابه لاتباهيت ب المجد القديم

ربعك الي من يجاري فخرها تتعبه

لاد بن عارج هل المجد منزحة الخصيم

قوم عز كل جمع عنيد تغلبه

ضربهم ب مصقلات توقع ف الصميم

دايم وسيوفهم ب الدمي مشربه

عاش راس بارع ب النظر ماهو غشيم

لا لقى من يقني الزين زاد وكسبه

ترديد

لاد بن عارج هل المجد منزحة الخصيم

قوم عز كل جمع عنيد تغلبه

ما يجيب الا سناد لها شكل عديم

ينتحر من شانها والثمن ماحسبه

لين رفرف بيرق اسمه ايداعبه النسيم

مجلسه من كثر فوزه دروع مذهبه

ماقنى الا كل وضحا على ساس مقيم

مارع كنها من اصفا المزون مشربه

انتقاها بارع ب النظر ماهو غشيم

خلقة الله جل شانه ماهيب مرتبه

كن يجذبها الا من مشت براق غيم

كل هزع كنها للمسير محدبه

دايم منزالها في حماد وفي بريم

ماتنزل في وخام الديار المجدبه

الابل ايه قد ذكرها الله الحي الرحيم

ربنا الي جل شانه ماغيره نطلبه