كلمات اغنية من روس قوم محمد بن جعيد

من روس قوم محمد بن جعيد كلمات

استرسل الهاجس وحضر بيوت جزال

اثقل من طويق لامن حلت اوزانها

تنزل على الذايقه والوصف فاق الخيال

مركاض خيل تروم المجد فرسانها

منهو تحزم بنا يلقى علوم الرجال

نجمل اللي تحوز النعم بايمانها

عاداتنا كل ماجا فالمواقف مجال

انقدر الخوه ونتعب على شانها

ابشر بوقفة خوين خوتك صانها

خوة شرف ماتراخى مع مرور الليال

من طيب راسك عمر بالعز بنيانها

هذا الخوي المسمى خوته راس مال

نفخر بشروا الرجال اللي هذا شانها

محمد اللي بوقفاته يداحم جبال

له وقفتن ترجد الاعداء وشيطانها

ساسه جويد وتساما من عمام وخوال

والمرجله ماتليق الا على حصانها

من روس قومن لهم فالوقت فعل ومقال

اللابه اللي سما الامجاد عنوانها

اخصامها تستخير ويركد جنانها

اللي ينافس بني زهران في كل حال

اليا بدت بالمراهن تكسب رهانها

عدوهم ضيقته تبطي سنين طوال

له ضيقتن نارها ماقاد دخانها

من فعلهم كل مايل يعتدل عقب مال

اهل الخصومه لاقالو وين عمانها

تاريخهم محتمينه من قديم الليال

مخلدين المواقف فوق ميدانها