كلمات اغنية من زمر شاف القحاطين زماره جفران بن هضبان

من زمر شاف القحاطين زماره جفران بن هضبان كلمات

المووال

خيـل العصلا وربعي تـفـاخـر بي

وافتخر في طيب حسبة اخواني

ابن جخدب كل ماذعذع الغربي

امدحه واقول صح الله لـسـاني

حتى لو انها قحطاني ونـا حـربي

لاتعدوني مـعـه غـيـر قـحطاني

ننصحك حتى لو تـقول يـاقـربي

الفعل له نـاس والهـرج مجاني

المـزايـن ذالسنـه ويـن شعاره

ودنا فـ ابـداع وأفكار حصريه

راسي المنعور مجنـونـه افكاره

شـرد وعسره ولاهيب عـاديـه

الوكاد الصيهد ان حظرو اكباره

سقت لي من ندر العوب منقيه

فالي ان جاء للتحدي شعم ناره

امدحه واللاش ماسمع دواديه

من ماعد الحق مانسمع اشواره

وانت ويـنـك يـالي اتـدور اثـاره

لاتـغيـب ولك تصاريح نـاريـه

خل عنك الـهـرج لاتـامـن الـغـاره

وللتحدي خـل روحك ريـاضيـه

ابن جخدب منه الاخصام نـفـاره

حـيـه ويـاحي فـعـلـه وطـاريـه

صيهد منيف ان حظر طير غباره

لاحضر فالجمل وان جاب فرديه

مايجيب الا الـنـوادر من ابكـاره

نـدرن مــاوردوها الـشـريـطيـه

فارقه بالزين من يومها حـواره

ولاتوفيها الـوصوف الخيـاليـه

وصفها خـلا التفاكيـر محتـاره

ولو بـوصف يعتبـر ربع فالميه

خصمها لاشافها لفق اعذاره

مايلام اليا تعذر عـن الجيـه

يابو فهاد اغلب الناس ثـرثـاره

وانت لك فعل وللافعال ماريه

من زمر شاف القحاطين زماره

ومن هدر قدمك تبا تسمع ارغيه

فعلك مخل القحاطين دجاره

عاد ربعك كلبوهم حماووويه

ودك ان صيهد منيف يغدي شعاره

صيـهـد ابـن جخدب منجح الـكيـه

انت فعلك في يمينه وفي يساره

لين سبب عند الاخصام نفسيه

الخصـم حتى لو ايـمـره ازيـاره

راحـت اخـلاقه لا مـره تجاريـه

المهم انـغـايـب فـدورو غـاره

وحطمو كل الرقوم القياسيه

انتم الي للنـواميـس سـبـاره

وانتم الها يال جخدب شفاويه

مدحكم خل المساكين منهاره

مرجلتكم جابت الهم حساسيه