كلمات اغنية من يوم ما غيبتي جوني

من يوم ما غيبتي جوني كلمات

طالت سنين التوهة

والليل مشانق ع الرقاب لفت

كل السكك مشبوهة

ماشي ف طريقي لوحدي باتلفت

باحلم بايه حلمي اتنشل

رايح لفين ما اقدرش اقول

لكني قابل بالفشل

وكاني خايف م الوصول

من يوم ما غيبتي

الموت بطيء

والغربة شيء باتنفسه

مين غيرك انتي

ويحسسه

ان الخطى اخرتها نور

وان السما

مش لوح ازاز مليان كسور

حضنك حبيبتي

كان وطن جواه باعيش

ريحتك حبيبتي

ف الضلام كانت نجوم

دلوقتي

قدامي الطريق ما بينتهيش

وماليش مكان

يداريني من برد الهموم

من يوم ما غيبتي

الدهر قد مشق الربوع ببرقه

فاذا الوجوه تكلست فيها البثور

والليل قد رشق الضلوع بخفقه

خفقات قلب يشتكي الكف الهصور

فاذا الطيور تصير نهبا للنسور

والشعر قد طمس البكاء لهيبه

لم يبق غير الجرح شعر بالصدور

والناس تدور ماتلاقيش

ف الدنيا بعدك غير قبور

بعدك حبيبتي خلاص مافيش

فراشات بترقص ع الزهور

من يوم ما غيبتي