كلمات اغنية ميت سلام للي باع مصطفى السلطان

ميت سلام للي باع مصطفى السلطان كلمات

ميت سلام للي باع

و اللي ساب من غير وداع

اتخدعت في ناس كتير

كله كان لابس ليا قناع

و السؤال بقي كل يوم

مين معايا راح يدوم

م الفرح متاخد غيابي

و حاضر ساعة الهموم

جوايا حرب ما بيني و بيني وبيني وبينك مش مرتاح

ع الفاضي عماله تجري سنيني

قلبي الخام اتحول قاسي

بعد مقاسي شافتها عيوني

أصبح تايه مبقاش راسي

مش ناسي ناسي و ناسي نسيوني

مشوفتش غيري ف الصوره

و ضحكتي باهته مكسوره

مكنتش فيها أنا وحدي

فين الناس اللي كانوا جنبي

كانت لمه ما تتسمي

قلوبهم بور و مهجوره

و قلبي ده كان معديه

لناس مكنتش يوم ليا

ياما عشت ابسط أنا غيري

و ف الاخر اتنكر خيري

و جابوا العيب يا ناس فيا

ياما صدقت وعود كدابه

ياما اديت أخلاص و امان

ثقتي خانتني في ناس قلابه

و الاصعب كان النسيان

عمري مابشكي مهما اتلم

أنا مستسلم ليكي يا حياه

هفضل منك برده اتعلم

و احلي دروسك اللامبالاه