كلمات اغنية نفس الايد احمد جمال

نفس الايد احمد جمال كلمات

لما اتحكالنا عنها واحنا صغيرين

خدت اهتمامنا كنا فعلا مبهورين

ازاي جنود عبروا السدود، وفّوا الوعود

ورجعولنا أرض ضاعت من سنين

كان مين يصدق ان هنعدي القنال

كان خط بارليف أقوى مانع من رمال

وسط النهار الضرب دار وأخدنا تار

عرّفنا كل الدنيا ان مفيش محال

فأكيد النصر جه من جندي عنيد

صمم يرجّع هيبته، يعيد تاريخ لمصر بنصر جديد

وأكيد كان يوم رجوعه ده كان يوم عيد

أمّن سلاحه و عينيه على بعيد

مكنتش صدفة داحنا بانيين انتصار

بعرق ودم جنود، وتدريب ليل نهار

إعداد جيوش خلي الوحوش ميفكروش

غير امتى يجي الوقت يتحسم القرار

جاي النهاردة عشان يعيد الذكريات

بعبور جديد مش أقل من اللي فات

ابنه في ايديه، مصر في عينيه، راهن عليه

ده نسخه منه، ماهو اللي خلف يوم ما مات

فأكيد النصر جه من جندي عنيد

صمم يرجّع هيبته، يعيد تاريخ لمصر بنصر جديد

وأكيد كان يوم رجوعه ده كان يوم عيد

أمّن سلاحه و عينيه على بعيد

ناوي يبني مصر بنفس الإيد، نفس الإيد