كلمات اغنية نهج طحنون اسعد البطحري

نهج طحنون اسعد البطحري كلمات

مهداة إلى سمو الشيخ الدكتور منصور بن طحنون بن محمد ال نهيان

هذا الرجل ماشي على نهج طحنون

وطحنون رجل ن سيرته بالف سيره

له فالوطن تاريخ بالعز مقرون

وله فالمواقف نهج مفنود خيره

يا مدة فاقت عطا الي يمدون

للهجن وأهل الهجن مده غزيره

بوسعيد حبه للهجن وراف غصون

يا كم شيفاته لاهلها كثيره

ومنصور في عرقه جرى دم طحنون

ومن مدرسة طحنون قاد المسيره

فكره سحايب خير وكفوفه مزون

يا خيره الممتد في كل ديره

حب الهجن عنده له اساس وفنون

وهجن الظبي لكل المطايا سفيره

تنهب عقول وتسلب قلوب وعيون

واذا أقبلت تقلب ثرى المستديره

تفز فزة ظبي م الي يصيدون

وتجعل منافسها ف رهبه وحيره

صابت ظنون الي بها وثق ظنون

وتنومس الي عدها له ذخيره

هذا الرجل ماشي على نهج طحنون

وطحنون رجل ن سيرته بالف سيره