كلمات اغنية هبوب المفارق فايز الدوسري

هبوب المفارق فايز الدوسري كلمات

:

ياوجودي لاقبل الليل والخاطر حزين

كن في عيني من النوم شيًّ سارقه

لابغيت انام صحّاني الجرح الدفين

طارقن باب السهر يوم جيته طارقه

واكتب امن الشعر وارتب الافكار زين

كل طرقن في بحور القصايد طارقه

كل ما ذعذع هبوب المفارق والحنين

لاجله اللي مالقينا مثل زينه ثنين

كنه امن الناس والزين ربي فارقه

العيون اوساع فيها من السحر المبين

داخلن في وجهك امن السهوم الزارقه

الوصايف ؟ كني اشوف وصف الحور عين

وصفها من باب واقع وقدره خارقه

لاادبرت قمنا نتعوذ من ابليس اللعين

ولاقبلت تقول شمسن علينا شارقه

مستحيل انك على الارض هذي تسكنين

فارقه في وصفك وفي جمالك فارقه

طاري الفرقاء مواجع وقهْر ودمع عين

وكان تبغين المفارق ودرب الراحلين ؟

ولاتهمك عيني اللي لعينك غارقه

خدك ومسبمك وعنقك وباقي حاجتين !

لازم اسلم عليهم قبل لا افارقه