كلمات اغنية هجن إبن شافي فهد بن فصلا

هجن إبن شافي فهد بن فصلا كلمات

نار التحدي ف السما مشبوبه

يقدم لها من وقفته محسوبه

شيخن على كسب الجمايل ضاري

النهج نهجه والدروب ادروبه

ل اهل الهجن دعمه سخي ومكثف

في كل دارن بصمته مكتوبه

يدعم ويشري كل ماهى سابق

يبغي بها الناموس لاذاعوبه

ناموسها وقت اللقى مطلوبه

لاروحت وشعارها لماعّي

تسبق رهاوه ماهي ب مضروبه

سبقن لها له طابع وله ميزه

حيو بها وشعارها حيوبه

ياحي من مرواحها يطربنا

ضبين من اصوات البشر مهيوبه

الى اقلبت فيها وصوف الغنجا

كنها الهنوف الفاتن الرعبوبه

لاحضرت شفت البعض متهيّب

هابو من اللي سبقها متعارف

يدرون بالغالب وبالمغلوبه

جتهم تلفت جافل وطربانه

تعطي حقوق الملتقى ماجوبه

عليك ياباغي لوايل خيره

اقفت به اللي ركضها شاشوبه

لي خفها على الثرى ماختمّ

نوعيتن ل اهل النضر مرغوبه

امهجنه تضرب بها الامثالي

من طيبها بين الهجن محبوبه

اللي قناها جمل ابها بلاده

وينومس اللابه على مطلوبه

هذي الهجن ناموسها مقصدنا

من دونها روس العرب معصوبه

سلام لك يالهاجري بن شافي

محمد اللي كلمته محسوبه

رايته في كبد السماء خفاقه

وبيارقه فالطايله منصوبه

من لابتن ياسعد من خاواهم

هواجرن كسب الفخر فازو به

الى انتخا الرجال فيهم شاشو

ولهم مواقف ماهي بمحجوبه

تلمع بيارقها براس القمه

والى الابد تبقا وهي منصوبه