كلمات اغنية هجن بن رملان مسفر السندوانة

هجن بن رملان مسفر السندوانة كلمات

العز توفيق الله الحي القدير

اللي مخاليقه يعرف اسرارها

والنصر يبغي جهد منقطع النظير

والراحه تعوق الرجال اضرارها

ومبارك الرملان ياهل الهجن غير

امجاده العسره توهجم نارها

ــــــــــــــــــــــــــــــــــــــــــــــــ

شهم يصير كل صعب ما يصير

يقدم على الصعبه وهو مختارها

شمس الفخر باسمه تشع انوارها

دربه على غيره من العالم عسير

هذي الرجال الي المراجل كارها

حضوره يسبب لكم رعب كبير

الى حضر فالساحه ومضمارها

خطير ويسيطر على الشوط الخطير

والمعركه دايم يخوض اغمارها

هجنه تسبب للخصم حوسه مرير

ما اهل التحدي تسلم من اخطارها

يدرى به الى جا مع الجمع الغفير

باللي يغيض اهل الكلام اشعارها

يسقي سلالتها ويسقي دارها

خطوا سبوق ركضها يشفي الضمير

شروات تواقه بوقت اضمارها

ــــــــــــــــــــــــــــــــــــــــــــــــ

سمرا بها ركض الغزال المستذير

ومن الفرس لادبرت فقارها

كن الثرا من تحتها جمر سعير

تسلم يمين اللي بعقله دارها

ناموسها يصبح به الاعمى بصير

وانجازها الاعدا عمى لابصارها

مامداكم اتسجون فعله من لاخير

ياهل الهروج الي اختلف مسارها

ــــــــــــــــــــــــــــــــــــــــــــــــــ

ذا راعي النكبا ضحى اليوم الكبير

اسمه هل الطاله رفع وقارها

ـــــــــــــــــــــــــــــــــــــــــــــــــ

امجمل اللابه وشهم وفيه خير

ابو اليمين اللي وفت باشبارها