كلمات اغنية هذي الامارات حسين الجسمي

هذي الامارات حسين الجسمي كلمات

هذي الامارات ترفل في مفاتنها

ما مثلها عالبسيطه تنوجد دوله

الحب والنور غطى في مساكنها

بين الحنايا ووسط الجوف محموله

يفخر ابنها بها ومن كان ساكنها

الخير فيها استمد ابعرضه وطوله

اللي بناها وقايدها مأمنها

دوله وبالحب والتقدير محفوله

عالعالم اجمع بطيب الفعل مكنها

واللي حلم فيه اصبح شعبه ايطوله

بين الدول صار يمتيز تمدنها

وكل الدول من سحرها اليوم مذهوله

تلقاه ذرب حشيم فعل ورجوله

بالفعل والجد والاخلاص لونها

الارض تنبت ذهب من دوسة اريوله

من طيب اهلها غدت تسمو اماكنها

زرع زرعناه نجني اليوم محصوله

يا كاتب العز هذي حروف دونها

اسمى المشاعر لاجمل دار مقيوله

هذي الامارات بين العالم اعلنها

انها فريده ومثلها ما بعد دوله