كلمات اغنية هوا في ازايز محمد اسامة

هوا في ازايز محمد اسامة كلمات

رزعت راسي في الجدار عشان افوق اكتشفت

إن الحبايب ماتوا و الوقت ذاته

قيمة كل شيء انتهت و انتحاري جايز

الكلام عن التعافي هوا في أزايز

الوضع بايظ لكن فيه لمسة إمتنان

للي بيحاولوا بدون نتيجة يدوني الأمان

اللي جي مش مهم خدت ع الخساير

ادينا بنشوف الشروق نحرق سجاير

كفاية رفض للحقيقة سناني زي حظي

العمر كارثي المسار بخت متشظي

ازاز كتير في وشي بمسك روحي المسلوبة

بخرج من الشباك في سقف عربيتي المقلوبة

اشتري من الهلاس اللي قرر يتكلم جد

بقاوم دبان الافكار اللي عليا بيتكاتروا

عينيا بقت تستحلى البص على قضبان المترو

بالتقسيط المريح بدفع تمن التوحد

عمر شاب عشريناتي اد عمري في التردد

لجأت للتودد لما اتكرفت قصد

بقاوم الوقوع في منطقية منطق رست

ما بمتلكش شيء حياتي نفسها إيجار

أنا بردية بعد ألف عام مع تاجر آثار

عاوز مطر في عز برد احس عطر ورد

شكرا للسما اللي بعتت المزيكا للارض

خبر موتي شيء بديهي بعد ما تنقطع اخباري

عشت لوحدي برضة هموت وحيد و ده اختياري

العادي عندكم عندي عادي العكس صايب

وش شايب سارح ع الطريق دركسيوني سايب

كلامي سحر بالمقلوب و انا اصل التعويذة

الواقع نسبي الشك ثابت

يقيني أصله اللا يقين أفهم لوحدك الرابط