كلمات اغنية واتساب محمد الريس

واتساب محمد الريس كلمات

رفعت انا حاله ع الوتساب

وقولت الدنيا تعباني

انا مينفعش اني اتساب

واحس اني انا وحداني

ظهرلي انهم شافو

بس فجأه ليه اختفو

ياترى مني اكتفو

وحطوني ف قايمه بلاك

قاعد جوه اوضتي حزين

وتلفوني مبيرنش

وبس انا الي مسلكتش

معرفتش اكون قاسي

وابيع اهلي واخون ناسي

الوجع ساكن راسي

وعايش عمري ف مقاسي

ودنيا فرحانه بهمي

ياقسوه روحي واتلمي

سبيني شويه من نفسي

اشوف ضحكه وخدي دمي

زهقت من البشر طهقان

محدش يستاهل يازمان

دي صحبه مخاويه للتعبان

وسكتها دي دايره شمال

مافيش في القلب خير وامان

يبخو السم للغلبان

ويعملو حفله للكسبان

وحتي حبيبتي ناسياني

في حيرتي وحزني انا بعاني

واه من دمعه كاسراني

ولعنه حب عمياني

ومش فارق انا معا حد

ده حتا الضحكه باب واتسد

ودنيا بمطرقه بتهد

طموحي وكل احلامي

واهي عيشه وهتعدي

بحلو بمر مابيدي

يافرحه عندي بقا هدي

انا صوتي اتشرخ ردي

سبيني حتا لوساعه

يادنيا ظالمه بياعه

انا عمري اتسرق مني

بناقص طيبه ووداعه

وحظي تملي معاندني

ماشي عاكسي يلاعبني

مافيش مره كده يصيبني

بيمشي بعيد وينساني