كلمات اغنية واجهني وقولها ماجد العازمي

واجهني وقولها ماجد العازمي كلمات

دامك تسولف ورى ظهري مكانك وراي

يالصاحب اللي تصول الارض وتجولها

لاتذخر الكلمه اللي قلتها في قفاي

إن شفت نفسك قوي واجهني وقولها

ليه التفت والصغار اللي تدور خطاي

بحشم نفسي عن اللي دار بعقولها

ما طالع الا بروس القوم وزحولها

والله لنومس بني عمي وعز اخوياي

بالوقفه اللي يشيب الراس من هولها

متماسك وواثق الخطوه وكاسب رضاي

وثابت لو ان الليالي صكت اقفواها

لاشكي همومي على العالم ولا ابحث خفاي

يغنيني الله عن الناس وعن افعوها

ادحم بجنبً قوي ورقى وحوم بسماي

كرامة النفس همي والكرامه هواي

واميز اهل الردى لادقت اطبولها

يامزاولين النفاق الاجتماعي معاي

النيه الباطله مكشوف مفعولها

اهل مصالح واهل كذب ومساكين راي

وقلوبكم من حسدكم زادت احمولها

ومجالسً جمعتكم ماتجيها خطاي

تجمع رخوم العرب وتمجد خبولها

واللي على ذمة الغياب رايح وجاي

كلمة نعم ماهي بحوله ولا حولها

اعوذبك ياالهي من خباثة اعداي

وان فكرت تلعب الانذال بذيولها

اشره على الطيبين ليا حكو في قفاي

ولا حثال العرب ماهمني قوله