كلمات اغنية وعد زياد الدساس

وعد زياد الدساس كلمات

النهارده يوم مُميز بالنسبالي ده يوم الهنا

اجمل واحده في الحياة دي تمّت 17 سنة

كل الزعل إنتهى .. و انا وياكي عُمري إبتدى

بحس بيكي بدون كلام ما انا إنتي و إنتي انا

خاطرك غالي .. فـ هصالحك لو حتى مزعلاني

ده إنتي لما بتبقي جمبي بتبقى الفرحه مش سايعاني

إنتي اللي محلياني و من كل الحياة واخداني

متتوصفيش بـ كلام قصادك عجزت الاغاني

مستحيل ألاقي حد في الحياة بـ جمالك

قابليني كتير عشان الوقت مبيعديش في غيابك

ولا بتفارقي بالي لحظه ولا بفارق بالك

يا جنابك .. هفضل جمبك لو كل الكون ده سابك

لو زعلتك غصب عني ده اكيد مش مقصود

عايش عشانك إنتي بس و من غيرك هموت

إنتي اجمل واحده سكنتي قلبي بدون مجهود

--

لما شوفتك اتأكدت اني محبيتش حد قبلك

انا راضي بيكي زي ما إنتي بـ كل عيوبك قابلك

كل عيوبك مُميزات يا قلب زياد انا عاشقك

اطلبي اللي إنتي عايزاه و كل الدنيا دي تتجابلك

مفيش حد زيك .. ملكيش مثيل

بُعدك ملغي من قاموسي بُعدك مستحيل

إنتي اكتر شئ حقيقي في دنيا كلها تمثيل

لو طال خناقنا .. خليكي فاهمه .. مفيش رحيل

انا بفرح جداً لما ألاقيكي عليا غيرتي

وقت اما جابوا سيرتي محدش غيرك رد غيبتي

امي و حبيبتي و بنتي و كل حاجه ليا إنتي

و العيد ميلاد الجاي هنحتفل بيه و إنتي خطيبتي

يا اميرتي .. بتعدّي الساعات معاكي ثواني

ما انتي حُبي الاخير و برضو حُبي الأولاني

بحس إن انا مخلوق عشانك و إتخلقتي عشاني

--

سحرتني عينيكي .. و ملكت الدنيا لما مسكت ايديكي

كل ما اشوفك بسمّي و بخاف لا احسد نفسي عليكي

الفرح جه معاكي من اول ما جيتي

صعب ألاقي نفسي في غيرك ما إنتي روحي و بيتي

يا بنتي .. بفرح كل ما احس حُبك لو بيّنتي

مش عايزك تتكسفي مني لأنك حته مني

بفرح تلقائياً لما ألاقيكي ضحكتي

وجودك جمبي ده اكتر حاجه في حياتي بتسعدني

ازاي هزهق و امل ؟ .. انا عايز اقولك سر

كنت بتلكك عشان امسك ايدك لما لعبنا ريست

منك مبيتزهقش .. ياللي شاغله البال و الفِكر

مش هنبعد انا مُصِر .. من غيرك هبقى خلصت

عِدّي كام " بحبك " قولتهالك و هتزهقي من العَد

كل كلمة حُب اتقالت صعب تعبرلك بجد

غيرك مش عايز حد .. بعدك اكيد هتهد

اللي بيسألني عن حياتي انا بلخصها في اسم " وعد "