كلمات اغنية ياخصم بن جخدب توخر جفران بن هضبان

ياخصم بن جخدب توخر جفران بن هضبان كلمات

فهد ولد فهاد مافكر فحد

على المنصات يهدر مثل الجمل

امضى من السيف الحدب وارهف واحد

واصمل من الصامل ليا منه صمل

واللي زعل واللي حقد واللي جحد

خلاه يسرح مثل مسراح الهمل

وخلا المنافس لو تحدا واتحد

يحك راسه كن في راسه قمل

فرديته تنطح من النخبه جمل

واللي يقول انه يبي رقم واحد

مثل الحويشي اللي تحكك بالزمل

ياخصم ابن جخدب توخر واتحد

مافيه امل مافيه مافيه امل

ماعنده الا مقبره ولا لحد

من عانده يدفن طموحه فالرمل

يحد خصمه لحتمى الميقاف حد

في ساعة يبغى لها جهد وعمل

النادر اللي يوم قالوا له تحد

راحت نوادرهم حراسيس وسمل

على النوادر ماخذه شيخة شمل

سبحان معطيها الحلا الواحد الاحد

كنها سواة البدر لامنه اكتمل