كلمات اغنية ياهل المجاهيم محمد ال نجم

ياهل المجاهيم محمد ال نجم كلمات

ياهل المجاهيم الزيان

في كل دار ومهرجان

ما يصعد القمه جبان

العز تنفيذ وقرار

يقولها منصى الضيوف

محمد خطل الكفوف

بن غويرب ومعروف

شهم له الطالات كار

ابوعلي ذرب الفعول

زحل تسلسل من زحول

للطيب في وجهه شنار

بسم ال مره يوم جا

ولغير ربه ما رجا

والنور جلاي الدجا

ويزود نار المجد نار

يقول يا صحاب الجهام

ان كان توحون الكلام

حضرت مطيرت المنام

الى لها زود اعتبار

جينا على وضح النقا

بعزم على القمه رقا

ولا حن انعرف التقا

نحضر جهار من نهار

الي على الندر اتزود

ماجات مشرا بالنقود

ولاجات بسم مستعار

بنت اغلا ما في المراح

من ذودنا سندا شناح

وبنت املح زينه افضاح

على هل المجهم عمار

كل ن يعرف مصوتان

ولا نتاجه المرموق شان

ما تختلف فيها اللجان

والها النواميس احتكار

من يوم جات النايفه

ام الوصوف الكايفه

والشوط كلن عايفه

صدو هل الندر جهار

سودا يكفيك اسمها

والرمز دايم قسمها

ويردع خصمها وسمها

ظافي خشم نابي فقار

الى اقبلت جمهورها

مستبشر ن بحضورها

وغل العداء بنحورها

في كل صوب وكل دار

والله ما جينا لكم

نبغي رضاكم كلكم

جينا نزود غلكم

ونعيش لحظه لانتصار

هذي سلالات الذهب

بسبالها يومي المهب

والشوط لامنه التهب

تفرق الى طال النهار