كلمات اغنية يا بلدنا يا حلوة عمرو دياب

يا بلدنا يا حلوة عمرو دياب كلمات

يا بلدنا يا حلوة بالناس الحلوة

والناس الحلوة في بلدنا كتير

فيه وشوش سمرة وجميلة تقابلهم تبتسم

أسوان والنوبة عيلة صورة حلوة بتترسم

المنيا سوهاج قنا في القلب قريبين

أقصر أسيوط بيوت بالجدعنة معروفين

خدلك هنا أحلى صورة منصورة بأهلها

دي محله جمالها حلى الدنيا كلها

أشمون واخدة العيون والقعدة هناك خيال

الشرقية الأصيلة أهلي وبلد الكرم

قلبي على أرض سينا رفرف زي العلم

واحشاني يا بورسعيد وإسماعيلية كمان

يا سويس ده أنا أقول وأعيد عن أبطالك زمان

شبرا ومصر القديمة ماري جرجس والحسين

وكنيسة في وش جامع في بلدنا العيد عيدين

اطلع ع الأهرامات علشان حبك يزيد

هتعيشلك أحلى يوم دي الفيوم مش بعيد

صبح ع إسكندرية على ناسها وأهلها

أيام غالية عليا في العجمي وشطها

شايف سحر المكان هتلاقي ده كله فين

في بلدنا الحلوة بالناس الحلوة

والناس الحلوة في بلدنا كتير