كلمات اغنية يا كثر الكلام بدر بنيدر

يا كثر الكلام بدر بنيدر كلمات

وقفي لين الزمان يمرنا بأربع فصوله

الثواني مستحيل انها تكون اللي بقى لي

يوم جيتي كان ياكثر الكلام اللي بقوله

ويوم رحتي ما لقيت من الكلام الا تعالي

يا ثمر قلب وهبك الله مرابيه وميوله

انتي الدنيا واهلها كلهم وانا لحالي

ان ذبحتيني جعل روحي فدا العين الخجوله

وان عتقتيني جعلت الليله اعز الليالي

لين شفت النظره المتكلمه ترثع بحالي

جعل يسقى يوم كان الوقت ينساب بسهوله

ودقة الساعه تمر اسماعنا و لا نبالي

سلميني صوتك الممسوك انا سيد وصوله

من متى والصمت يغلب نبرتك على وصالي

واسأليني ليه اهاب بطلتك وانتي جفوله

وليه لا مني تباطيتك طرى لي ما طرى لي

وعلميني من عطا شمس الشتا وجهه وزوله

ومن رسم ظله على الشاطي وهو ماسك ظلالي

وجهك اللي مستعد اعيش له واموت حوله

يا كثر مافي تفاصيله وجودي وانعزالي

صار يملاها الشغف حتى وانا اشوفك قبالي

لا تغرك كلمة مرت على سمعك عجوله

ما بعد مر النسم صدري ولا جيتي ببالي

رفرفة روحي على قد تبرا من نحوله

رفرفة طير على الغصن الهزيل من الشمالي

الحظيظ اللي لقى بعيونك النجلا قبوله

من يلومه لا زهد في الامنيات وفي الليالي

لا المحبه طاوعتني في زعلك ولا الرجوله

غاليه يا الدمعه اللي ما تطيح الا لغالي