كلمات اغنية يا مذير احمد ال شملان

يا مذير احمد ال شملان كلمات

ياشبيه الريم يامذيّر

لك ثلاث شهور متغيّر

غايب ٍ معادك تسيّر

يعساها خير ٍ وخيره

أتمنى شوفتك دايم

ماتهنى نومة النايم

عاشقك ياعاشقي هايم

وفي العيون دموعي محيره

الهجر والصد يالغالي

لايجي في بالك وبالي

غير فرقا طيب السيره

( الجلسه )

ياوليفي والعمر فاني

خلك قريّب على شاني

كل شي يهون في الدنيا

( غير فرقا اعز خلاني )

ياعساني ماخلا منك

من حلاك وذوقك وفنك

حسن وجهك لاضحك سنك

يافديته..... مالي بغيره

الشفق لونه من شفاتك

والورود تحب نسماتك

الله اللي جمّل صفاتك

كملك وأبدع بتصويره

كنك بارق ليل في نوه

ايتكاشف في السما ضوه

يتبعه من ودّه ودوّه

لو يخلي الدار والديره

( الجلسه )

ياوليفي والعمر فاني

خلك قريّب على شاني

كل شي يهون في الدنيا

( غير فرقا اعز خلاني )

إقبل إقبل يابعد روحي

كانك لصوت الغلا توحي

الدواء بيديك لجروحي

وأنت تضميده وتطهيره

عزتي للي فقد خله

تاه في دربه ولادله

ايتهيا ويتمثل له

خيب ضنونه وتقديره

آه ياخل ٍ تمنيته

آه ياليته وياليته

يوم حب ويوم حبيته

يرسل أعذاره وتبريره

( الجلسه )

ياوليفي والعمر فاني

خلك قريّب على شاني

كل شي يهون في الدنيا

( غير فرقا اعز خلاني )

معلومات الاغنية

كلمات : فايز عدينان اليامي

توزيع ومكساج : احمد ال شملان

تصميم : ناصر البقمي