كلمات اغنية يا وجد حالي فالح الطوق

يا وجد حالي فالح الطوق كلمات

يقول من عــدّا بروس الشواهيق

اللي مباديها صعيبٍ تشافي

قولٍ على مبنى ومبدا وتوثيق

فيه البيوت الوافيات النظافي

من هاجسٍ برهن جزيل الطواريق

اختار معناها وصـاغ القوافي

ياوجد حالي ياصفوف المطاليق

ياهل الوفى واهل السيوف الرهافي

ويشّب نار الحزن عقب العوافي

حظٍّ بعمق النوم ماظنّي يفيق

بيّن لي الصدّة و شرح التجافي

واصبحت في وضع دروبه مغاليق

وغرقت في بحر السنين العجافي

واحزني اللي ساكن بالمعاليق

ابطيت في قلب العنا مستضافي

وا فكري اللي تجلب الهم والضيق

اتحدني لين اسري الليل حافي

وا شوقي اللي تدعم القلب تشويق

جبرتني وابـديت ماكان خافي

واليوم اشوف العكس والاختلافي

وا حظّي اللي خالفتك التوافيق

مافيه امل تصبح معي يوم وافي