كلمات اغنية يا وطن طارق المنهالي

يا وطن طارق المنهالي كلمات

يا وطن بالحق واضح ياوطن للكون ناصح

انت عنوان المحبة وانت عنوان التسامح

يبهر العالم حضورك يوم عم الكون نورك

يعل ما يفنى سرورك دوم تبقى دوم ناجح

يا وطن يصنع اماني ويرسم الفرحة معاني

والشعوب اللي تعاني منك تتعلم تصالح

راحة الانسان غاية في وطنا م البداية

صاغها زايد حكاية للشعب باغلى النصايح

كل مخلوق نوده نحفظه ونصون عهده

وبالوفا من مد يده يلقى ايدينا تصافح

ما نفرق في الوسايل بين اجناس وقبايل

نهدي العالم رسايل للمحبة والتسامح