كلمات اغنية يستاهل رابح صقر

يستاهل رابح صقر كلمات

يستاهل الطيب يا أهل الطيب من حازه لا خير في واحد ماهو ب حايزها

إسحب على اللي سحب خله ومركازه وإنصب عليه النصايب نصب واركزها

الرفقه الطارفه مالي بها عازه ولا هي بصعبه على مثلي مجاوزها

وشلون تصعب على اللي حقق إنجازه والناس بإيديه عاجنها وخابزه

من لا يجهز لمثل اليوم مجهازه يرتاح وباقي أموره لا يجهزها

ويا مسهل الحب لكن ما أصعب ألغازه وأنا من الناس عارفها وراوزها

السور سورالشرف والعز دروازه والكفو قد المهمه قبل ينجزها

واللي رفع في سنام العز مركازه ان لا يغيض اهل المراكز في مراكزها

والعز وقفه ويزنها العز من فازه لا خير في واحد ماهو ب حايزها

كل تسند على الدنيا بعكازه وأنا العصا اللي عصتني ما اتعكزها

افرح بها فرحة اللي حقق إنجازه كني ملكت السما والأرض حايزها

وأكايد الكايده والطيب أعتازه وأجالد الوقت والدنيا أبارزها

يستاهل الطيب يا أهل الطيب من حازه ولا خير في واحد ماهو بحايزها

إسحب على اللي سحب خله ومركازه وانصب عليه النصايب نصب واركزها