كلمات اغنية فاكرك يا صحبى محمد عبد المنعم

فاكرك يا صحبى محمد عبد المنعم كلمات

الله يرحمك كل اللى عايشين

فى البلد دى بيدعوا ليك

الله يرحمك عايش فى قلبنا

كلنا بنتباهى بيك

شرفت اهلك كلهم و وحشتهم

الله يصبر قلبهم دايما عليك

فاكرك يا صاحبى ولسة روحك عايشة فيا

لا قبلت ولا هقبل فى دمك عمرى دية

صنت الامانة شهيد لواجبك ولبلادك

اديت رسالتك كنت قد المسؤلية

كتبت اسمك حى فى الجنة وشهيد

مليون تحية يلا وفى راحة و سلام

يوم الشهادة فى السماء وفى الارض عيد

ايه احسن من حسن اللقاء ومسك الختام

دمك ده مسك يا صاحبى مبروك على الشهادة

كفنك والافرول والبيادة وعلم بلادك

اللى ياما حميت ترابه

ربك كتبلك تبقى من اهل السعادة

امك وابوك مش محتاجين حد يواسيهم

ربك بكرمه و رحمته مهون عليهم

تعبوا و ربوا و كبروا وعشان كده

الجنة بكره هتبقى فاتحة دراعها ليهم