كلمات اغنية بلد شهادات كريم نجيب

بلد شهادات كريم نجيب كلمات

بلد شهادات

دي بلد شهادات دي بلد مدارس

ان كنت حاسس او كنت دارس

وفى الشوارع فيه ناس تعاكس

فيه 100 مصيبه والشعب جازز

بعد 12 سنه مدرسه ومذاكرة

مخي مقفول مش قادر افكر لبكرة

زي ماتكون اتشالت منه الاوكرة

وعلى فكره ..

انا مش قصدي اهاجم التعليم

مليان طلاسم ومفاهيم

محتاج كلام محتاج تقييم

ياللى جايه وياللى رايحه

وياللى شايف الصوره واضحه

انا حصلي فى مخي فتحه

يظهر اني اخدت بطحه

نرجع لحوارنا الاساسي

شئ بيوجعني فى راسي

زي خناقه بالكراسي

او عالبحر بالشماسي

ليه بنتعلم ونحضر

واللى يحفظ هو الاشطر

لو تفكر كارت أصفر

لو تعبر كارت أحمر

لو سألت يرد : أسكت

نص عمري عيشته مُحبط

نفسي أعرف مرة أربط

مهما أذاكر برده بسقط

ليه اللى قدي مش صغير

امتى ييجي اليوم نفكر

نلغي من قاموسنا "كبّر"

نمشي فى بلادنا نخضّر

دي بلد شهادات دي بلد مدارس

ان كنت حاسس او كنت دارس

وفى الشوارع فيه ناس تعاكس

فيه 100 مصيبه والشعب جازز

قولّي أزاي الأمانه فى العيال

ماما فى النادي وبابا شغال

مين هايربي ومين هايكبر

مين هايكون للطفل مثال

المشكله مش نظام المشكله فى الانسان

المدرس و المهندس و طبيب الاسنان

انعدام الضمير وفقدان الذوق

كل حاجه فى الدنيا اتحولت لسوق

انا مش قصدي أقهمك ولا عايزك تفوق

نفسي تخرج من الدايره وتشوفها من فوق

ساعتها هاتتطور وبـسرعة الضوء

هاتتحل مشاكلك والدنيا هاتروق

انا عارف انك سامعني وبتقول ده مجنون

ازاي بـأغنيه هايغير الكون

وانا دايما سادد ودني ودايما قلمي مسنون

دي حكمة ترددوها لما أبقى مدفون

دي بلد شهادات دي بلد مدارس

ان كنت حاسس او كنت دارس

وفى الشوارع فيه ناس تعاكس

فيه 100 مصيبه والشعب جازز

12 سنه مدرسه ومذاكرة

...

أنا مش قصدي أهاجم التعليم

دي بلد شهادات دي بلد مدارس