كلمات اغنية كل نهار العيد طاهر الأحسائي

كل نهار العيد طاهر الأحسائي كلمات

كلٍ نهار العيد عايد حبيبه

وإلتم شمل اهل القلوب المواليف

وانا حبيب غايب الله يجيبه

ياحسرتي ان كان انتهى العيد ما شيف

مصيبتي ياكبرها من مصيبه

لا شفت غيري في اناسه وتكيف

فرقا الاحبه ياجماعه صعيبه

تالي العهد في صويحبي العام فالصيف

ويلي عليه ولو لحقني تكاليف

ارف قلبي منه يبري لهيبه

لمشاهده ياناس يستانس الكيف

جله نصيبٍ لي وانا من نصيبه

هذا منى قلبي ومن غيره امعيف

المستريح اللي حبيبه قريبه

ماهوب مثلي عيشته بالتكاليف

من لامني في الزين ربي حسيبه

تلوم قلبي في مليح التواصيف

شفت العذل ما اطيع ماهي غصيبه

ماتدري ان راعي الهوى قلبه صخيف