كلمات اغنية محكمه الشيخ امام

محكمه الشيخ امام كلمات

محكمه

اسمع و شوف ماحصل

برض السمع واجب

قاضي المظالم وصل

و اتأكد الحاجب

عمل قوامك مرة

وجه يقول محكمة

نطق و قال مجزرة

مع انه كان قبلها بدقيقة

عامل عون

نازل شتيمة وأذى

ف عساكر الكركون

و يغيب ويقرا الصحف

ويمر من وسطنا

و كأنه نابليون

و فجأةفز اتنتر

واقف على حيله

كرشه العظيم انفتل

أنا باحسبه ديله

قول حبتين و اتنصب

باسم العدالة ميزان

مدموع بكلمة شرف

مش كلمة السلطان

ممكن يشيل الجبل

و ينخ من شعره

حسب الظروف و العلل و الرك ع الوزان

أول قضية شطح قال ع الضحية جاسوس

تاني قضية نطح سمى الرعية جاموس

تالت قصية انكشف واحد عليها فلوس

رابع قضية حكم بالحبس ع المحبوس

خامس قضية و أنا ف الأصل راجلها

سألني ايه تهمتك ؟

أنا قلت أجلها

لما الميزان يتوزن

و يلاقي وزانه

و من الصباح للمسا

ربك يعدلها