كلمات اغنية الحلم احمد مكي

الحلم احمد مكي كلمات

الحلم

اسمع منى امثال وكلام

اسمع منى عن الاحلام

بعد ماتسمع عاوزك تحلم تحلم صاحى ولما تنام

واعمل جهدك اتعب حقق كل احلامك بلا اوهام

ربك خلق الدنيا بحالها بكل مافيها فى ست ايام

احلم واحلم واحلم اكتر واوعى حلمك يبقى كابوس

احلم واعمل واصبر واتقل مهما كان الحلم بعيد

راح يجى يوم وتحقق حلمك الاحلام مالهاش مواعيد

مين قال يابنى احلم على قدك خلى الحلم مالهوش حدود

واوعى حلمك بس يشدك يبعد بيك عن كل وجود

فيه اللى بيرضى بالموجود ويعيش ولا بيهمه الامر

واللى بيحلم بالمفروض بس مالوش على حلمه الصبر

واللى يصر يحقق حلمه حتى ولو ينحت فى الصخر

فى اللى حلمه كدا فى سجاره كلنا عارفين دا بيحشيها

يقعد يحلم بس خساره يخلص حلمه اما يطفيها

فى اللى بيحلم يبنى يعمر واللى فى حلمه نفسه يهد

واللى فى حلمه عامل عنتر واللى يخاف من حلمه بجد

عجزت كبرت انا لسا صغير

لا انا سبت ماتحلم انت اصلى ضعيف واكيد مش هاقدر

سبنى فى حالى ماعنديش وسطه

دى حاجات بنقلها ولا نفكر وحجج بايته وكله اونطه

لو هاتحاول مره تجرب احلامك هتشوفها العين

احلم صاحى واحلم نايم احلم وفى كلتا الحالتين

عمرك كنت تصدق حديده بيك تطير بدأت حلم وفكره جديده

ليه مايكون لى جناح واطير

اهاااا

لوحد كان قالك من 100 سنه او حتى 200 فى شئ اسمه الطياره

وزى العصفوره بجناحين تطير تسافر بيك وانت وعيلتك فيها قاعدين

قالوا الناس مجنون رد وقال لا انتوا العاقلين

فى الحقيقه هو العاقل الافكار هى المجانين

اللى عملها يفرق ايه عنك عن السامعين كان واحد زيك يعنى مالوش اربع رجلين

او عين واحده وسط دماغه او فوق راسه فيه ارضين

فيه فرق واحد بنكم مخه ماكنش طخين

فيه اللى بيحلم يلعب كوره فى تريكه يقفل الماتش

ومصطفى من غير رجلين وعدى الساحل منش

وزويل حلمه فى فيمتو ثانيه جابله نوبل وش

قوم احلم واعمل اوعاك تقول مايتحققش

اول عزيمه صدقنى ربك مبيخذلش

لو هاتحاول مره تجرب احلامك هتشوفها العين

احلم صاحى واحلم نايم احلم وفى كلتا الحالتين

لو هاتحاول مره تجرب احلامك هتشوفها العين

احلم صاحى واحلم نايم احلم وفى كلتا الحالتين

مش كفايه بس تحلم مش مهم الحلم ايه

المهم تتعب تحقق كل اللى انت حلمت بيه

مش كفايه بس تحلم مش مهم الحلم ايه

المهم تتعب تحقق كل اللى انت حلمت بيه

قوم انحت فى الصخر وحقق حلمك

قوم انحت فى الصخر وحقق حلمك

قوم انحت فى الصخر وحقق حلمك

حـــــــقــــــــــــق حـــــــلــــــــمـــــــــك