كلمات اغنية عجيبه شلون حيدر اركان

عجيبه شلون حيدر اركان كلمات

عجيبه شلون,, للشاعر ايمن الذهبي

عجيبة شلون من يومين عرفتك والتقيت وياك

اعرفك چني صار سنين واحس سنين صار اهواك

لان مرتاح احس وياه وچنت كل عمري انتضره

وما اصبر بعد محروم والمحـــــــــروم شيصبـــره

بس عنده بعد شغلات صعب يا نـــــاس اعديـــها

واذا هذا احنه بولــــهــــا دگلـــي شلون تالــــــيهــا

ايبيع بساع ويزعل دوم والبـــالــــه يريده ايصير

وصعبة الــگــلــب يتحمل من گــد ما نــطــه للغير

گبله انطيت ما ضميت وچنت ساكت ابد محچيت

وعــفــيــة عليك يــا حزني بس انته الوفي الضليت

مدري اختاره الي محبوب وماضن يوم بي مخدوع

مدري انساه وعوفه يروح ونهي ويــاه هالموضوع

يربي شـــلـــون انا محتار وبنص الدرب واگـــــف

اخــاف امشيه واتعب بيه ومن الرجعه هم خــايـــف

اخاف ايفوت عمري الجاي وما الـگــه بعد مثــلــه

وگـلبـي الـمـاخذلـنـي بـيـوم تـالـي الحسره لـتـكـتـلــه

مـعـقـولـة الزمان اندار ! ومـعـقـولة الوفـه نـادر !

بـدوامـة بـقـيـت افـتـر وجـبـت الـعـمـر حـايـــر

خلص راح احسم الموضوع اريدك والگـلب لختار

وشميصير خـل ايـصـيـر يـعـنـي شـلـون اضـل ابنار