كلمات اغنية التوب ابوعركى البخيت

التوب ابوعركى البخيت كلمات

شفت التوب ومالاقنى أجمل منو

بس التوب وسيد التوب يكون كيفنو

نظرة سريعة مرت بيها ما اتمتعت

خطوة وحيدة بينى وبينها لو أسرعت

خلت طيبها مالى الساحة ما اتشبعت

زيها مافى لا شاهدت لانى سمعت

من جاراتها قادلة حلاتها دخلت بيتها

سرت حداها داير ألقاها تب مالاقيتها

متكى كتيفها دلت ايدها

حتى الحنة ديك ما نسيتها

قادت نارى لو تطفيها لى ياريتها

استنيت وقلت اظنو ترجع تانى

نظرة بريئة مهما ألاقى ماهمانى

لو القاها يرتاح بالى ويصبح هانى