كلمات اغنية زيتونة ابوعركى البخيت

زيتونة ابوعركى البخيت كلمات

الشابه الخضرا وزيتونه

لو شفتو الفرح الفي عيونها

والقمر البرقص في سنونا

كان سبتو كلام يا عوزالنا

وارتحتو سبتونا في حالنا

وتتكلمو ليه مالكم ومالنا

مشغول بدلالو وشاغلنا

ومفتون بجمالو وفاتنا

من بدري ينوم ويسهرنا

قول لينا عليك انت استنا

طبعا كيفن فيك الحنا

يا الاصلك ماداير حنا

يا الاصلك ابنوسه بتتنا

كيفن يصلك باللهي سؤالنا

يا الفيك اتكلمو عزالنا

يتكلمو ليه مالهم ومالنا

الليل علشان يخطف نومك

انداح واتشتت في عيونك

واترامى خصل غطى جبينك

واتمسح ده في حواجبينك

وحين رسم البسمه النديانه

ختالو قمر جوا سنونك

ودوبني بقيت مفتون لونك

وفنانك وشاعرك ومجنونك

ياالماك مهتمه باحوالنا

يا الفيك اتكلمو عزالنا

ويتكلمو ليه مالهم ومالنا