كلمات اغنية حلاة بلدي امال النور

حلاة بلدي امال النور كلمات

حلاة بلدي وحلاة نيلا

حلاتا بشيلا في قلبي

واشيل طنبوري غنيلا

حلاة الساقية لما تدور

تكب الموية تروي الطين

حلاة تربالا لمن يسقي

في الحيضان شمال ويمين

مشمر ساعدو طول الليل

عشان الخير يكون خيرين

حلاة بلدي وحلاة ناسو

حلاة الطيبة والطيبين

ونيلاً ما نضب نبعو

حبابو العشنا خيراتو

تدفق لا فتر لا شاب

حبابو البجري في دمانا

مدى الايام ولسة شباب

حلاتو البيهو تاريخنا

حضاراتنا بشيلا كتاب

وبي طنبوري غنيلا

اردد قول ياليل

حلاة بلدي السمح طينا

هواها عليل

جمالا نديم

مساحتا فيها مليون ميل

حباب الفي الجنوب

جنات تعانق في شمالا نخيل

حلاة الفي الوسط عمران

مشاريع تحكي نهضة جيل

حلاة بلدي