كلمات اغنية حليل زمن الصبا جمال فرفور

حليل زمن الصبا جمال فرفور كلمات

حليل زمن الصبا الماضي

و حليل زهر الحياة الزاهر

حليل زمن الحبيب راضي

و حليل زمن الهوى الطاهر

حليلو الأبلج الباسم

حليلو الكاحل الناير

حليل قمر السماء القاسم

لياليه و صبح داير

آه لو آه تفيد مجروح

و المثل القديم ساير

رهاب ماحصلوا الجاري

و سماءك ماحصلو الطائر

إذا النسمات بها تخابر

تجدني على الفراش مضنى

تجدني على الأسى صابر

أنا البعدك أصون عهدك

و ليتك كنت بي خابر

و ليتك مرة تذكرني

و لو في ذكرك الغابر

فداك نوم عيني يانائم

و هل بلغك أنا مساهر

أراقب في كواكب الليل

أراك بيناتها ماك ظاهر

أغض الطرف و أتناوم

أقول يا الحسنه لي جاهر

متين أنظر محيك

بتين يا كوكبي الزاهر

جمالك يسعد الشافك

صباحك يشرح الخاطر

دلالك و بسمك الفاطر

عيونك و إزدهار لونك

زهور وشم الندى القاطر

و روحك روح نسيم الروض

إذا مزجه الشذى العاطر

تعود لى مسالمتك سالم

بعودة سلامة يا مسافر

أِوفك زى ملاك رحمة

أشوفك زى غزال نافر

أِوف فيك هيبة الظافر

أِوف فى محيك البدر

البفوق بدر السماء السافر

ذكرى أهاجت الذكرى

دوام في فكرتي تخامر

حليل الماضي و أيامه

حليل الرونق العامر

حليل زمن الحبيب طائع

حليل زمن الحبيب آمر

زمنا الكنا لا ندري

بما كان الزمن ضامر