كلمات اغنية الوصية حمد الريح

الوصية حمد الريح كلمات

كالسواقي النايحه وسط الليل

حنين الدنيا ممزوج في بكاها

زي طيوراً

في الفروع محتارة بتفتش جناها

البيوت والناس بتسأل عن صبية

فارقت حلتنا زي طيراً غريب سافر عشيه

ما حرام ماضيك يصبح ليك أسيه

يا سلام لو كان جفاك بي حسن نيه

كنت نسيتنا الوصيه

المفارق عينو قويه

لا سلام منك وما منك تحية

للوراك خليتو عايش في الأسيه

قمت زي طيراً غريب سافر عشيه

ما قبيل وصوني يا حليل الوصيه

كت مكضب .. كنت ناسي

دابو صدقت المفارق عينو قوية

أوعه ليل الغربة ينسيك

ريحة الطين في جروفنا

والتميرات البهبن ديمة راقصات في حروفنا

والدعاش والغيم رزازاً في العصير

بالفرح بلل كتوفنا

أنحنا راجعين في المغيرب

للديار ما حد يشوفنا لا نشوفو لا يشوفنا