كلمات اغنية الليمونة حرم النور

الليمونة حرم النور كلمات

أمونة لامن جات لابسة القلوب عاجات

البتضوي في الساحات فايتة البنات درجات

فايت البنات درجات في الهيبة والنورة

الزول البندورةالليمونة الليلة يا مانعني ما نزورة

يا بت خيار الناس هيبة وخيول ونحاس

أمونة كاملة خلاص من القديم للرأس

من القديم للرأس النايمة في خدورة

الزول البندورة الليمونة الليلة يا مانعني ما نزورة

طير يا حمام بفوق ودي السلام بذوق

قول ليها ليك معشوق ماكلاهو نار الشوق

ماكلاهو نار الشوق جنحينو مكسورة

الزول البندورة الليمونة الليلة يا مانعني ما نزورة

دة الدابو تابي جدي ما حس يوم بالغي

ما حس يوم بالغي والشوفتو محجورة

الزول البندروة الليمونة يا مانعني ما نزورة

عشان حجبوك مني أنا زدت في جني

في ناري مستني راجيك تطمني

راجيك تطمني الليلة لو حتى بصورة

الليمونة الليلة يا مانعني ما نزورة

الزول البندورة الليمونة الليلة يا مانعني ما نزورة