كلمات اغنية حب الاديم صلاح بن البادية

حب الاديم صلاح بن البادية كلمات

ما عشقتك لي جمالك

إنت أيه من الجمال

أو هويتك لي خصالك

أنت أسمى الناس خصال

أو لي روحك لي جلالك

إنت هالة من الجمال

الفؤاد دايماً بنادي

في اغترابي وفي ابتعادي

ليك لأنك من بلادي

شلت من النيل صباهو

ومن جمال النيل بهائو

من مناظر السبر صفحة

من نخيل الباوقة طرحة

من مريدي السمحة نفحة

الطبيعة حنت عليك

خلدت بصماتا فيك

ليك غرد كل شادي

ما بصح وطريقنا باين

يا شبابنا نقيف نعاين

الأمل معقود علينا

والعمل ظمئان إلينا

بي سواعدنا ونضالنا

في جنوبنا وشمالنا

غيرنا من يحرث أرضنا

يبني ويعمر بلدنا

غيرنا مين يفني الأعادي

نحن سافرنا وبعدنا

ما عرفنا هواك بعدنا

كل ما لاقتنا فتنة

وكل ما اتمناهو بسمة

من ملاك أضناه حبو

حلموا كان في الغربة نسمة

من أريج بلدو البحبو

جينا في لهفة مشاعر

ليها تزحمنا الخواطر

نبني مجدك يا بلادي