كلمات اغنية اوصيك يا المفارق عبد العزيز المبارك

اوصيك يا المفارق عبد العزيز المبارك كلمات

بوصيك يا المفارق و راحل عننا

دي وصية محب شفاهو الضني

ما تلهيك نجوم يوم عندك رنا

وما تخلي الرياح تهدم عشنا

بوصيك يا المفارق وراحل عننا

بوصيك يا حبيب داوم وصلنا

وزي دل الصبوح جدد نهلنا

يا مسافر هناك وانت في قلبنا

ايامنا بتمر كل يوم بي سنة

بوصيك يا المفارق وراحل عننا

اشرق كالربيع وابهر كالسنة

واهدي الدنيا واملي الكون غنا

واسري زي النعاس دغدغ صحونا

اوصيك يا المفارق وراحل عننا

شدوك يا جميل نغم حرفنا

ويا حليلك تميل تسبح في الغنا

تتهجج وراك انفاس وجدنا

وتبدو محب كتير والمكتول انا

بوصيك يا المفارق وراحل عننا