كلمات اغنية عازة في هواك عثمان مصطقى

عازة في هواك عثمان مصطقى كلمات

عزة في هواك

عزة في هواك عزة نحن الجبال

وللبخوض صفاك عزة نحن النبال

عزة ما بنوم الليل محال

وبحسب النجوم فوق الرحال

خلقة الزاد كمل وأنا حالي حال

متين أعود وأشوف ظبياتنا الكحال

عزة ما سليت وطن الجمال

ولا أبتغيت بديل غير الكمال

وقلبي لي سواك ما شفتو مال

خذيني باليمين وانا راقد شمال

عزة ما نسيت جنة بلال

ونحن كالزهور فوق التلال

نتشابي للنجوم وانا ضافر الهلال

عزة جسمي صار زي الخلال

وحظي في الركاب صابه الكلال

وقلبي لسه ما عرف الملال

أظنه ود قبيل وكريم الخلال

عزة ما أشتهت نوم الحجال

ولا السوار بكي في يمينا جال

وعزة في الفريق لي ضيق مجال

قبيلة بت قبيل ملأ الكون رجال

عزة شفت كيف نهض العيال

جددوا القديم تركوا الخيال

روحك أم سماح سري كالسيال

شجوا الفؤاد حيوا محسور الليال

عزة في الفؤاد سحرك حلال

ونار هواك شفا وتيهك دلال

ودمعي في هواك حلو كالزلال

عزة في حذا الخرطوم قبال

وعزة من جنان شمبات حبال

وعزة لي ربوع ام در جبال

وعزة في الفؤاد دوا يشفي الوبال