كلمات اغنية بناديها محمد وردى

بناديها محمد وردى كلمات

بناديها

بناديها

وبعْزِم كُلّ زول يرتاح

على ضحكَة عيون فيهَا

وأحْلم اني في أكوان

بتْرحَل من مراسيها

عصافير

نبّتَت جِنْحات

وطارت

للغيوم بيهَا

مسافرِ من فرح لي شوق

ونازِل

أغنّي مع مراكب جات

وراها بلاد حتمْشيهَا

واحزَن لي سُفُن جايات

وما بْتلقَى البِلاقيها

بنادِيهَا

ولمّا تغيب عن الميعاد

بفتِّش ليهَا في التاريخ

واسأل عنَّها الاجداد

واسأل عنّها المستقبل

اللسّع سنينو بُعاد

بفتِّش ليها في اللوحات

مَحَل الخاطر الما عاد

في شهقَة لون وتكيَة خط

وفي أحزان عيون الناس

وفي الضُّل الوقَف ما زاد

بناديهَا

والاقيهَا

حتصْدِق يوم

والاقيهَا

واحْلًم في ليالي الصيف

بَسَاهر الليل

واحجِّيهَا

ادوبي ليهَا ماضيهَا

واطنْبِر ليها جاييهَا

وارسِّل ليها غنوَة شوق

واقيف مرات واْلُوليهَا

بنادِيهَا

وبناديها

وبناديها