كلمات اغنية صدر المحافل منال بدر الدين

صدر المحافل منال بدر الدين كلمات

يا جوهر صدر المحافل

روحي معاك إتلطفيلها

ما النور الفي حِلّيه رافل

في حُق نًهده قلوبنا قافل

ما الظبي الفي مقيله غافل

تارة يميل و التانية جافل

وجهه يَنور و البدر آفل

فوق للبدر يزيد نفيلة

يا النور خدك لاح مقابل

للشعر الطال ليله سابل

سهم ألحاظك ليّ نابل

بكل شئ دون هجري قابل

و إنت القمرة بتُنسبيلها

مانع طيفك ليّ لا يغازل

داخل قلبي ليك منازل

يا لائم لا تبقى هازل

أنا في الحب لروحي باذل

هل لعاشق يسمع لعازل

خلي نصيحتك عني زيلها

ليك جوز عين نعسان و كاحل

خصرا يميل و صدره راحل

و ليّ وجدي اللي جسمي ناحل

بحر الشوق ما ليه ساحل

بيني و بين النوم مراحل

وين للطيف أنا ألقي حيلة

الفرع البتّني راتل

طيره ينوح في غصونه حاتل

و هو نديم لفكري شاتل

الأسد الفي القيد يناتل

غير مكحول ظبي النتيلة

زايد شوقي و دمعي هامل

جمر الحب لجسمي شامل

حتى الطيف لي لا يُجامل

مع ُكّلاً ما كُنت آمل

دمي تحنّني بيه الأنامل

هل يرضيك كده يا جميلة

لطيفك ما لقيت وسائل

غير بسط النسمات رسائل

أعجب شئ و أغرب مسائل

حلم الصاحي و دمعه سائل

لو بحالة سهري جاهل

الأنجم و أسال سهيلة

أنا ساهر و الليل سابل

شرط الحاكم يبقى عادل

لا أقبل بهواك مبادل

كيف و أرضى البديل