كلمات اغنية سيد الإسم مصطفى حمزة

سيد الإسم مصطفى حمزة كلمات

سيد الاسم

محبوبي وكتين يبتسم

الدنيا يا ناس تنقسم

والفرحه تملاها وتزغردفيهو

والشوق يرتسم

مرات اقول اديهو كلمه تزعلو

حبة عذاب وكلام عتاب

انا عارفو ما بتحملو

علشان اشوف خدو الحرير

الدمعه جاريه تبللو

لكني قبال ابدا بي لحظات

اقيف اتاملو

ودلو واشراقو الحلو

انسى العتاب الكنته ناوي اقولو

ورجع منهزم

الدنيا يا ناس تنقسم

والفرحه تملاها وتزغرد فيها

والشوق يرتسم

انا في العيون ببنيلو دارين

من موده ومن منى

وبضمو في قليبي انبساط

ومحبه فياضه وهنا

ماردته غيرو ولا هو راد

زولا سواي ابدا انا

نظراتو كيفن اوصفه

دي الفي عيوني مدونه

همساتو تحنان القماري

الراجعه للعش للجنا