كلمات اغنية الحزن النبيل محمود عبد العزيز

الحزن النبيل محمود عبد العزيز كلمات

وبقيت أغني عليك

غناوي الحسرة والأسف الطويل

وعشان أجيب ليك الفرح

رضيان مشيت للمستحيل

ومعاك لي آخر المدى

فتينى يا هجعة مواعيدي القبيل

بعتيني لي حضن الأسى

وسبتيني للحزن النبيل

ومشيت معاك كل الخطاوى الممكنة

وبقدر عليها وبعرفها

أوفيت وما قصرت في حقك

ولا كان عرفه غيرك أصادفها

جمع قلوبنا وولفها

وكتين بقيتي معاي في أعماقي

في أعماق مشاعري المرهفة

لا منك ابتدت الظروف

لا بيك انتهت الأماني المترفه

ندمان أنا

ابداً وحاتك

عمري ما شلت الندم

ما اصلو حال الدنيا

تسرق منيه في لحظة عشم

وأنا عندي ليك كان الفرح

رغم احتمالي أساك

يا جرح الألم

كان خوفي منك

جاي من لهفة خطاك

على المواعيد الوهم

اهو نحن في الأخر سوا

ماشين على سكة عدم