كلمات اغنية بخاف محمود عبد العزيز

بخاف محمود عبد العزيز كلمات

بخاف أسأل عليك الناس وسر الريدة بينا يزيع

بخاف أكثر كمان ياغالي من إيدي إنت تضيع

وأعيش بعدك حياتي جفاف

بخاف يا إنت لو جيتك

ألملم في خطاوي الشوق وأزور بيتك

بيقولوا علي حبيتك

أخاف لو برضي غبته عليك

تقول ناسيك وجافيتك

بهم لو صدفة لاقيتك

درب حلتنا جابك يوم

تشيل ياروحي ترمي اللوم

علي وتزيد همومي هموم

ياريت .. ياريت ..ياريت إنت تعرف حنيني إليك ياريتك

كمان تعرف آه تعرف لحدت وين بعزك

وفي أعماقي حسيتك

آه ... آه ... ياريت إنت تعرف حنيني إليك ياريتك

كمان تعرف آه وتعرف لحدت وين بعزك

وفي أعماقي حسيتك

بس خايف إذا جيتك حكاية الريد تمشي تزيع

ومن إيدي إنت تضيع

وأعيش بعد حياتي جفاف مواسم بينا مافي ربيع