كلمات اغنية الكانو قبلك مصطفى سيد احمد

الكانو قبلك مصطفى سيد احمد كلمات

الكانوا قبلك كانوا قبلك

شالوا كل العندي راحو

ماعمري غابت شمسو ياحلو العيون

ما أظن تشرق صباحو

الزمن بجري وبمر

والباقي لي حبة عمر

ندمان عليهو ولا لالا

ماعندي عينيك يا جمالا

وعندي نبض الذكرى عايش

في دواخلي و إنفعالا

وعندي قلبي العمروا لا ارتاح

ولا طابت جراحو

ما أظن تشرق صباحو

جيتني متأخر كتير

وقلبي واحد وشالوا مني

جاي دابك زول غرير

ده السمعتو وقالوا عني

ده السمعتو وقالوا عني

ذرة في بحر الحقيقة

لسه عايش حبها الكان من زمن

عايشو لي آخر دقيقه

والقلب لاارتاح ولاطابت جراحو

ماعمري غابت شمسو ياحلو العيون

ما أظن تشرق صباحو

اهي دي الحقيقة ياها الحقيقة

جربت احاول انساهو

جربت ما خليت طريقا

رغم السنين رغم الآسى

طعم الانين

والقلب لاارتاح ولاطابت جراحو

ماعمري غابت شمسو ياحلو العيون

ما أظن تشرق صباحو