كلمات اغنية المسافة مصطفى سيد احمد

المسافة مصطفى سيد احمد كلمات

المسافة

لسّة بيناتنا المسافة .. والعيون ..

واللهفة والخوف .. والسكون

ورنة الحزن البخافا

تعدّى بى الفرحة وتفوت

وأمشى بى الحسرة .. وأموت

الأمانى الفى سفر ..

قبل الزمن .. كايسة الموانى

يوم تجيبنى عليك .. بصدّق

إنو مرة الحظ طرانى

وإحتوانى معاك شجن ..

عذبنى قبلك..

تمشى وين الخطوة عنك

ما الزمن بى الحب

بلاك .. وإبتلانى

لى عيونك يا مداين الفرحة

والحب .. والجسارة

عندى ليك مليون بشارة

وألف خير ... والكلمة شارة

وإنتى لمّا الحب يهوّم

فى عيونى.. وفى عيونك

يبقى حائر .. بالأمارة

الفرح منك .. يجينى

يعترينى الخوف عليك

خطوة منك .. خطوة ليك

راجى منك بس إشارة

وكلمة تدينى البشارة

ولاّ بيناتنا المسافة ؟