كلمات اغنية لمحتك مصطفى سيد احمد

لمحتك مصطفى سيد احمد كلمات

لمحتك .. قلت بر آمن .. بديت أحلم

ألملم قدرتى الباقية

وأشد ساعد على المجداف

تلوّح لى .. مدن عينيك

وترفع لى منارة بسمتك .. سارية

وبديت أحلم

كل ما الريح .. تطارد الموج

أزيد إصرار وأحلف بيك

أغير سكة التيار

وأقول يا إنتى .. يا أغرق

أخاف

تسوقو الريح .. ويتفرق

أخاف .. وأخاف

وأشد ساعد على المجداف

وأجيك بى قدرتى الباقية

حطام إنسان موسّم بى شقا الدنيا

ومقسّم قلبو فى الأحزان

أجيك فنان

أشد أوتارى .. وأحكيلك

حكاية إنسان وهب لى سكتك نفسو

ورسم صورتك على حسّو

وربط ساعد على المجداف

وقال يا إنتى يا أغرق

وأخاف الضفة ترجع بيك .. قَبُل ألحق

أخاف غيم المنى الشايل

تسوقو الريح وإتفرق

وألاقيك يا أمانى سراب

مواهبى عليهو تتدفّق