كلمات اغنية البحر السطيت ياسر تمتام

البحر السطيت ياسر تمتام كلمات

البحر السطيت

غيرك ما في ذكري

كشفت العرائس

العجوز والبكره

وهدمت القصور

الخولى النشيط

صار ما عندو فكره

وأصبح ساهي حاير

وآلت عقله سكره

والأفكار تدور

ما هماك حالُن

ما فيش ليك شكره

عرفوك ناوي مكره

خايضين للصدور

ماكر جيتنا ساير

ليلك كُله تسرى

دمرت البشاير

واتعوضنا حسره

وتيارك يفور

كلما تشوف زراعة

عليها أخدت كسره

تنهض لصُراعه

كاتل ليك مسره

حُكمك كله جُور

تربالى وزباينو

يبكو العرق الشره

ربيت الغباين

خورك ليه كَره

أصلك ما بتشور

تهجم كِره كِره

تخلع للمباين

اتلقوك بره

زى يوم النشور

الكاسحه و منجره

خافت من امورك

يا المنعت الدره

ما بتدور أجُر

حايرين في جنايتك

والأدهى وأمرّ

التيراب تلاشى

وإنعدم بالمره

ما بنفع عُذر

كسرت الطوارى

البيك سوقها حرّه

غفروا ليك سواري

إنت قاصع الجرّه

محمر في الخدور

حليل شحن اللوارى

من الشبكة ام غُره

وأصوات البوارى

والخشب المغره

وميلان الحدور

هددت الدواب

لي درجة الدره

حكمك ديكتاتورى في

الكون كله شره

ما بحبسوك كجور

غايتو بلغت غايتك

بالإرادة الحره

وين يا نيل عنايتك

مزارعيك فره

كايس للصبر