كلمات اغنية عايز تقول ايه ليلى غفران

عايز تقول ايه ليلى غفران كلمات

شكلك عايز تقول حاجة ومكسوف

عمّال تتلجلج ولونك مخطوف

بتطقطق في صوابعك عامل عملة

في ايه خلّصني اعمل معروف

انا حاسّة ان في حاجة على طرف لسانك

واقف كده ليه متسمّر في مكانك

لو هتصدق كلمة اتقالت عني

يبقى سامحني بجد ذكاءك خانك

شكلك ميطمّنش، وانا بقى مبخمّنش

تعالى في الدوغري وقولّي في ايه

ادخل في الموضوع، قول وبصوت مسموع

قول يا حبيبي متغيّر ليه

قلقان كده ليه بس ومش على بعضك

طب بس ابلع ريقك بقى واحكيلي

ليه بتنفح وحاطط ايدك على خدّك

عينك ليه هربانة شمال ويمين

انطق قدّامك بس دقيقتين

طوّلت عليك بالي انا واستحملتك

والطيبة والذوق ويّاك مش نافعين

شكلك ميطمّنش، وانا بقى مبخمّنش

تعالى في الدوغري وقولّي في ايه

ادخل في الموضوع، قول وبصوت مسموع

قول يا حبيبي متغيّر ليه