كلمات اغنية حسب الظروف عبد الباسط حمودة

حسب الظروف عبد الباسط حمودة كلمات

يا ليل يا ليلي يا ليل يا ليلي

مبقتش عارف انا مبقتش عارف

مبقتش عارف إيه اللي لازم اعمله

على حيلي واقف بس في جوايا خوف

الدم فيا هدني ومتحمله

وبعيش حياتي كل يوم حسب الظروف

لا انا قادر اختار سكتي ولا دنيتي

تعبان وفاض بيا خلاص عمال بموت

طب اعمل ايه اعمل ايه

اعمل ايه علشان اعدي شدتي

مطحون ومن غير حتى ما يطلعلي صوت

مضطر اعيد حساباتي واللي جه عليا

الطيبة مش نافعة خلاص في الدنيا ديا

ومن انهاردة الخير في قلبي مالوش مكان

ماهو غصب عني مش بكيفي الاستجابة

الناس مش عايزة اللي يعمل ليها خاطر

انا كنت راضي وكنت عايش جوة داري

لكن الحياة عايزة اللي يتعامل وقادر

انا عشت طيب عمري ماعرفت الاذية

وعشان سكتت لقيتني شارب من المرار

مخنوق وجنب الحيط مشيت بدموع عينيا

والحزن كان جوايا فايت ليل نهار

بس الحياة بالصح باين خسرتني

خليتني اكره نفسي واغير ملامحي

جايز غلطت كتير في دنيا غفلتني

وسابتني غرقان بين همومي وجوة جرحي